ФӘННИ ХӘЗИНӘ

Программада сезне:

• химия, физика, география фәннәреннән кызыклы фактлар

• коры боз, сыек азот, ясалма кар, индикаторлы сыекчалар һәм башка үзенчәлекле матдәләр белән экспериментлар

• чын химик реакцияләр үткәрү серләре

• гадәти булмаган физик күренешләр

• күңелле уеннар, эмоцияләр һәм истәлекле бүләкләр көтә.

Программа вакытны кызыклы да, файдалы да итеп үткәрүгә, шулай ук төрле фәнни һәм табигый күренешләрнең атамаларын туган телдә өйрәнүгә юнәлтелгән. Программа балалар өчен дә, аларның әти-әниләре өчен дә кызыклы булачак.

Программа махсус лаборатория шартларында уза, алып баручы галим ролендә чыгыш ясый. Чара барышында балаларның һәрберсе экспериментларны үткәрүдә катнаша.